भारतका चर्चित चिकित्सक डा. सलमान खान : नेपालका गरिब तथा असहाय बिरामीका लागि आशाको किरण
दाङ। भारतको लखनउस्थित Care Plus Hospital मा कार्यरत चिकित्सक डा. सलमान खान नेपालप्रति विशेष माया राख्ने चिकित्सकका रूपमा चिनिनुहुन्छ। उहाँ समय–समयमा नेपालका विभिन्न गाउँमा पुगेर गरिब तथा असहाय बिरामीलाई स्वास्थ्य परीक्षण, औषधि वितरण र उपचार सेवामा सहयोग गर्दै आउनुभएको बताइन्छ।
हाल दाङ भ्रमणमा रहनुभएका डा. सलमान खानले समाजसेवी केशव राज भुसालसँग भेटघाट गर्दै नेपालबाट भारत उपचारका लागि आउने बिरामीलाई सकेसम्म सहज र गुणस्तरीय सेवा उपलब्ध गराउने प्रतिबद्धता व्यक्त गर्नुभएको छ।
डा. सलमान खानका अनुसार, अस्पतालमा उपचारका लागि आउने प्रत्येक बिरामीसँग उहाँ स्वयं भेटेर स्वास्थ्य अवस्थाबारे जानकारी लिनुहुन्छ। आवश्यक परीक्षण र उपचारपछि बिरामी पूर्ण रूपमा सुधार भएको सुनिश्चित गर्ने प्रयास गरिन्छ। उहाँका अनुसार, बिरामीसँग आएका कुरुवाका लागि खाना र बस्ने व्यवस्थासमेत मिलाइने प्रयास गरिन्छ भने आर्थिक अवस्था अत्यन्त कमजोर भएका बिरामीलाई आवश्यकताअनुसार निःशुल्क वा सहुलियतमा उपचार प्रदान गरिन्छ।
उहाँले नेपाली भाषा राम्रोसँग नबोल्न सके पनि नेपाल र नेपालीप्रति गहिरो आत्मीयता रहेको बताउनुहुन्छ। दुवै देशबीच स्वास्थ्य सेवामार्फत मानवीय सम्बन्ध अझ बलियो बनाउने आफ्नो चाहना रहेको उहाँको भनाइ छ।
दाङमा समाजसेवी केशव राज भुसालसँगको भेटमा उहाँले नेपाली बिरामीलाई सक्दो सहयोग गर्ने प्रतिबद्धता दोहोर्याउनुभयो।
